எய்ம்ஸ் எம்பிபிஎஸ் முதல் சுற்று கலந்தாய்வு முடிவுகள் வெளியீடு Direct link to download AIIMS 1st round counselling 2019
எய்ம்ஸ் மருத்துவக் கல்லூரி மருத்துவமனையில் படிப்பதற்கான முதல் சுற்று ஆன்லைன் கலந்தாய்வில் பங்கேற்றவர்களுக்கு ஒதுக்கப்பட்ட இடங்களை எய்ம்ஸ் இணையதளத்தில் (aiimsexams.org) பார்க்கலாம். 2019 எம்பிபிஎஸ் படிப்பில் சேர்வதற்கான நுழைவுத் தேர்வில் பெற்ற மதிப்பெண்கள் அடிப்படையில் நடைபெற்ற முதல் சுற்று கலந்தாய்வு முடிவுகள் எய்ம்ஸ் அதிகாரப்பூர்வ இணையதளத்தில் வெளியாகி உள்ளன.
எய்ம்ஸ் (AIIMS) எனப்படும் அகில இந்திய மருத்துவ அறிவியல் நிறுவனத்தில் (All India Institute of Medical Science) சேர்ந்து எம்பிபிஎஸ் (MBBS) படிப்பதற்கான நுழைவுத்தேர்வு ஆண்டு தோறும் நடத்தப்படுகிறது. இந்த ஆண்டு இந்த எய்ம்ஸ் நுழைவுத் தேர்வு இரண்டு ஷிப்டுகளாக மே 25 மற்றும் 26 ஆகிய நாட்களில் நடைபெற்றன. இத்தேர்வின் முடிவுகள் ஜூன் 12ஆம் தேதி aiimsexams.org என்ற எய்ம்ஸ் அதிகாரப்பூர்வ இணையதளத்தில் வெளியிடப்பட்டன. தேர்வில் வெற்றி பெற்ற மாணவர்களுக்கான முதல் சுற்று ஆன்லைன் கலந்தாய்வு முடிவுகள் ஜூன் 29ஆம் தேதி இளைணயதளத்தில் வெளியாகியுள்ளன. முதல் சுற்று ஆன்லைன் கலந்தாய்வில் பங்கேற்றவர்களுக்கு ஒதுக்கப்பட்ட இடங்களை எய்ம்ஸ் இணையதளத்தில் ( aiimsexams.org) பார்க்கலாம்.
இந்தக் கலந்தாய்வில் பங்கேற்றவர்கள் 01.07.2019, 5.00 p.m. (Monday) அல்லது 04.7.2019, 5.00 p.m. (Thursday) என்ற இரண்டில் ஒன்றை தேர்வு செய்ய வேண்டியிருக்கும். பின்வரும் இணைப்பை கிளிக் செய்து நேரடியாக முதல் சுற்று முடிவுகளைப் பார்க்கலாம்.
Direct link to download AIIMS 1st round counselling 2019
“ஆன்லைன் கலந்தாய்வில் எம்பிபிஎஸ் படிப்புக்குத் தேர்வான மாணவர்களின் உத்தேசப் பட்டியல் ஜூன் 18, 2019 அன்று வெளியாகும். தேர்வான மாணவர்களுக்கான வரிசை எண்களை எய்ம்ஸ் இணையதளத்தில் பார்த்துக்கொள்ளலாம்” என எய்ம்ஸ் தெரிவித்திருக்கிறது. தேர்வான மாணவர்கள் அவர்களுக்கு ஒதுக்கப்படும் எம்ய்ஸ் மருத்துவமனைக்குச் செல்ல வேண்டும். அங்கு அவர்களுக்கு மருத்துவப் பரிசோதனை மேற்கொள்ளப்படும்.
உடல்நலத் தகுதி இல்லாத மாணவர்கள் எம்பிபிஎஸ் படிப்புக்கான தகுதியை இழக்க நேரிடும். அந்த எம்ய்ஸ் மருத்துவமனையில் உள்ள மருத்துவ வாரியம் இந்த மருத்துவப் பரிசோதனையை நடத்தும். உடல்நலத் தகுதி விஷயத்தில் மருத்துவ வாரியம் எடுக்கும் முடிவே இறுதியானது. எம்பிபிஎஸ் படிப்புக்கான வகுப்புகள் வரும் ஆகஸ்ட் 1, 2019 முதல் தொடங்கும் எனவும் ஏற்கெனவே வெளியிட்ட அறிவிப்பில் குறிப்பிட்டிருக்கிறது. நுழைவுத் தேர்வில் தேர்ச்சி பெறாத மாணவர்களுக்கு தனிப்பட்ட முறையில் எந்த தகவலும் தெரிவிக்கப்படாது என்பதை கவனத்தில் கொள்ள வேண்டும். ஆனால், அந்த மாணவர்கள் தாங்கள் பெற்ற மதிப்பெண்களை எய்ம்ஸ் இணையதளத்தில் பார்க்க முடியும்.
