பொதுத்துறை வங்கி பணிகளுக்கான ஐபிபிஎஸ் தேர்வு தேதிகள் அறிவிப்பு!
இந்தியாவிலுள்ள 17 பொதுத்துறை வங்கிகள் ஒன்றிணைந்து, புரொபஷனரி அதிகாரிகள் மற்றும் மேனேஜ்மெண்ட் டிரைனீஸ் போன்ற காலிப்பணியிடங்களை நிரப்புவதற்கான ஐபிபிஎஸ் (IBPS) எனப்படும் பொது தேர்வை ஒவ்வொரு வருடமும் நடத்தி வருகிறது. 2020 - 21 ஆம் ஆண்டிற்கான ஐபிபிஎஸ் நடத்தும் வங்கி பொது தேர்வுக்கான அறிவிப்பு வெளியாகியுள்ளது. இதற்கு தகுதியும்,விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.
பணிகள்:
1. புரொபஷனரி அதிகாரிகள் (Probationary Officer)
2. மேனேஜ்மெண்ட் டிரைனீஸ் (Management Trainees)
மொத்த காலியிடங்கள் = 4,336
முக்கிய தேதிகள்:
அறிவிப்பு வெளியான தேதி: 02.08.2019
ஆன்லைனில் விண்ணப்பிக்க தொடங்கும் நாள்: 07.08.2019
ஆன்லைனில் விண்ணப்பிக்க கடைசி நாள்: 28.08.2019
ஆன்லைனில் தேர்வுக்கட்டணம் செலுத்த கடைசி நாள்: 28.08.2019
தேர்வு நடைபெறும் தேதிகள்:
முதல் நிலைத்தேர்வு நடைபெறும் தேதிகள்: 12.10.2019, 13.10.2019, 19.10.2019 மற்றும் 20.10.2019
முதன்மைத் தேர்வு நடைபெறும் தேதிகள்: 30.11.2019
தேர்வுக்கட்டணம்:
1. எஸ்.சி / எஸ்.டி பிரிவினர் / மாற்றுத்திறனாளிகள் - ரூ.100
2. எஸ்.சி / எஸ்.டி பிரிவினர் / மாற்றுத்திறனாளிகள் தவிர மற்ற பிரிவினர் - ரூ.600
வயது வரம்பு: (01.08.2019 அன்றுக்குள்)
குறைந்தபட்சமாக 20 வயது முதல் அதிகபட்சமாக 30 வயது வரை இருத்தல் வேண்டும்.அதுமட்டுமல்லாது விண்ணப்பிக்க விரும்புவோர் 02.08.1989ஆம் தேதிக்கு பின்னும் 01.08.1999ஆம் தேதிக்கு முன்னும் பிறந்தவராக இருத்தல் வேண்டும்.
கல்வித்தகுதி:
குறைந்தபட்ச கல்வித்தகுதியாக,ஏதேனும் ஒரு இளங்கலைப் பட்டம் பெற்றிருத்தல் வேண்டும்.
விண்ணப்பிக்கும் முறை:
ஆன்லைனில், https://www.ibps.in/ - என்ற இணையதள முகவரியில் சென்று விண்ணப்பத்தினை பூர்த்தி செய்யலாம்.
மேலும், இது குறித்த முழுத் தகவல்களை பெற, https://www.ibps.in/wp-content/uploads/CRP_PO_MT_IX.pdf - என்ற இணையதள முகவரியில் சென்று தெரிந்து கொள்ளலாம்.
