கேந்திரிய வித்யாலயா பள்ளிகள், நவோதயா பள்ளிகள் மற்றும் சிபிஎஸ்இ பாடத்திட்டம் பின்பற்றப்படும் பள்ளிகளில் இடைநிலை ஆசிரியர் மற்றும் பட்டதாரி ஆசிரியர் பணியில் சேர சி-டெட் எனப்படும் மத்திய ஆசிரியர் தகுதித் தேர்வில் தேர்ச்சிபெற வேண்டியது கட்டாயம் ஆகும்.
கடந்த டிச. 14 மற்றும் 15-ம் தேதி நாடு முழுவதும் நடந்த இத்தேர்வுக்கான உத்தேச விடைகளும் தேர்வர்களின் விடைத்தாள் நகல்களும் (ஓஎம்ஆர் ஷீட்) சிபிஎஸ்இ இணையதளத்தில் (https://ctet.nic.in) வெளியிடப்பட்டுள்ளன. உத்தேச விடைகள் மீது ஏதேனும் ஆட்சேபம் இருந்தால் உரிய ஆவணங்களுடன் ஜன.5-ம் தேதிக்குள் ஆன்லைனில் விண்ணப்பிக்கலாம். இதற்கு கட்டணம் ரூ.1000-த்தை ஆன்லைனில் செலுத்தலாம் என சிபிஎஸ்இ அறிவித்துள்ளது.
